Nossa empermischun: uschia ticcain nus

Nagin da nus n'è qua simplamain per lavurar – nus essan qua, perquai che nus tutgain qua. Igl è in mund che va a prà cun nus, perquai ch'el pretenda da nus ed ademplescha nus. Igl è il mund che nus charezzain.

Nus manain reschia da l'entira chadaina da valurisaziun da nossas purschidas ed offrin perquai ina varietad da profils professiunals. Grazia ad in equipament modern ed al spazi liber redacziunal sviluppain nus in schurnalissem che unescha creativitad e qualitad: qua faschain nus medias.

Excellent

Divers premis per nossas atgnas producziuns e producziuns da sport multifaras cumprovan la qualitad da nossa lavur. Ina rait da correspundents mundiala garantescha reportaschas independentas.

Multimedial

Cun radio, TV ed internet essan nus multimedials. Perquai pudain nus surpigliar tut las incumbensas variadas e pretensiusas ed ans sviluppar vinavant mintga di – en tut ils formats è nossa finamira da cuntanscher la pli auta professiunalitad.

Spazi da sa sviluppar

Sco interpresa da medias betg orientada al gudogn pudain nus porscher a noss collavuraturs spazi e pussaivladads dad esser creativs per sviluppar novs formats. Ina tala variaziun da professiuns en cumbinaziun cun l'auta qualitad e cundiziuns da basa attractivas chatt'ins en Svizra – e senz'auter er internaziunalmain – strusch en autras interpresas.

Sco interpresa cun fatschenta principala digitala essan nus a la testa quai che pertutga l'applicaziun da novas tecnologias.

Tut ils chanals

Aspectaturas, auditurs e lecturas da nus profiteschan da products digitals attractivs – dad apps e producziuns interactivas sur ils players da la SSR e formats sulettamain per la rait fin a la ferma preschientscha da noss formats da success en las medias socialas. Cun concepir la digitalisaziun a moda activa ans avischinain nus a noss public.

Avegnir

Nus sviluppain activamain il mund da las medias e nizzegiain la schanza da la digitalisaziun. Nus investin extendidamain en il perfecziunament da noss collavuraturs e da noss manaders. Nus purschain tut las premissas per promover talents e per scolar cumplessivamain la nova generaziun schurnalistica. Nossa scolaziun trimediala, unica en tut la Svizra, giauda per exempel ina reputaziun d'emprima classa.
Nus surdain a noss collavuraturs a temp responsabladad per projects e promovain programs da barat ed il diever da tools moderns.

A nus stat a cor ina convivenza persunala ed in cumportament colleghial – quai tant en il team sco era visavi ils superiurs.

Pachet cumplessiv

Las cundiziuns d'engaschament e da lavur èn fairas e furman in pachet cumplessiv confurm al martgà. Noss collavuraturs profiteschan da models dal temp da lavur flexibels, d'ina buna infrastructura, da purschidas per la promoziun da la sanadad e da bler auter. Era noss focus sin l'egualitad e purschidas da cussegliaziun per collavuraturs en situaziuns d'urgenza mussan: nus essan ina patruna conscienta da la responsabladad. 

Avert

In clima da lavur avert ed empernaivel è evident per nus. Noss collegas vivan quai mintga di e sustegnan in l'auter – nus ans barattain era sur ils cunfins linguistics e naziunals e surmuntain barrieras; nossa interpresa è natiralmain plurilingua.
Nus cumbinain ils avantatgs d'ina ferma interpresa publica cun l'attractivitad d'ina gronda chasa da medias. En noss mund essan nus cuntents durant la lavur ed ans sentin attaschads a nossa interpresa.

Nossas purschidas cuntanschan l'entira Svizra. Nus sviluppain formats attractivs e variads che pledenteschan e muventan ils umans.

Per tuts

En nossa purschida variada en quatter linguas chatta mintgin insatge che plascha. Il medem mument represchenta ella las particularitads regiunalas da noss pajais.

Neutral

A nus stat a cor in'auta qualitad da las infurmaziuns e dal divertiment. Perquai che nus essan obligads a la publicitad, agin nus tenor ils pli auts standards dal schurnalissem. Studis conferman adina puspè nossa independenza.

Furmaziun da l'opiniun

Nus avain in'incumbensa da furmaziun e d'integraziun e pudain - sco interpresa finanziada cun taxas - servir tut las gruppas en mira, senza mo aspirar a bunas quotas e success commerzial. Quai permetta a nus da lavurar a moda premurusa e da tractar era temas relevants da nischa e da minoritads e da viver ed intermediar mintga di in schurnalissem da qualitad en tut sias fassettas.

Da quai essan nus loschs. La responsabladad correspundenta surpigliain nus gugent.

Dapli infurmaziuns davart la lavur tar RTR