Bainvegni en il mund da RTR!
Il mund da las medias è varià, interessant e pretensius. Tar l'interpresa da medias svizra la pli impurtanta gidain nus mintga di a concepir quest mund; natiralmain al puls dal temp e totalmain digital. Nus ans exprimin tuts en nossa moda persunala e surpigliain a moda autonoma ina part da la responsabladad. Quai gartegia mo, perquai che nus essan averts e tschertgain il contact persunal.
Noss munds da professiun
Noss mund è probablamain in dals pli variads insumma. Perquai tschertgain nus talents da bunamain tut las gruppas da professiuns. Ultra da quai purschain nus plazzas d'emprendissadi per entrar en il mund da lavur e scolain sez talents.
Dapli
Nossas empermischuns
l mund da RTR porscha a collavuraturas e collavuraturs in ambient da lavur en il qual nus agin cun respect, avain barats constructivs e dain la libertad creativa per lavurar. Quest ambient porscha ina basa ideala per realisar atgnas ideas.
Dapli
Nossas purschidas
Nus creain las cundiziuns da basa per ch’il potenzial e las ideas innovativas possian sa sviluppar e sa resultar en novaziuns. Era porscha RTR sco patruna sociala a las collavuraturas ed als collavuraturs in pachet da lavur fair.
Dapli
Noss mintgadi
Noss studios
Il studio principal sa chatta a Cuira. Studios regiunals ha RTR a Mustér, Glion, Savognin, Samedan, Scuol sco era a Berna.
Creativitad ed innovaziun
La creativitad è il motor da nossa lavur. En la midada digitala promovain nus l'innovaziun ed il spiert d’experimentader. Nus ans basain sin l’avertezza dal spiert e da las ideas.
Independenza
L’imparzialitad è nossa maxima fundamentala. Nus prendain decisiuns schurnalisticas betg influenzadas da la politica, da l'economia e d'autras gruppas d'interess. Nus na favurisain naginas posiziuns u interess, a medem temp represchentain nus las valurs da nossa societad.
Service public
Il public e l'engaschament per la cuminanza democratica stattan en il center da nossa lavur. La purschida sa drizza a tuttas e tuts en Svizra.
Vardaivladad
Entaifer la massa d'infurmaziuns dain nus paisa a la vardaivladad ed a la relevanza da nossa purschida. Nus derasain mo infurmaziuns da funtaunas fidadas. Nus ans stentain da mussar l'actualitad cun resguardar tut ils aspects e las vistas decisivas. Nus mussain il mund, ils umans e lur agir cun tut lur expressiuns – las bunas e las malas, las renconuschidas e las dischagreablas, las cuntraversas, las provocativas e las schoccantas
Suandar RTR sin: