Nossas offertas
Mes univers per 360° cumpiglia incumbensas satisfaschantas ed in ambient interessant. Sco patruna cun responsabladad sociala porscha la SSR a ses collavuraturs plinavant in pachet cumplessiv fair che sa cumpona da numerusas prestaziuns supplementaras*.
Life-Balance
Temp da lavur / vacanzas
Il temp da lavur tar la SSR importa - cun ina plazza a temp cumplain - 40 uras l'emna. Ils collavuraturs lavuran en in model da lavur d'in onn.
Tar RTR datti 27 dis da vacanzas. Cun 50 onns datti 32 dis e sur 55 onns 37 dis da vacanzas.
Work smart
La SSR sustegna e promova la lavur mobila flexibla ed independenta dal lieu. Uschia pon ils collavuraturs organisar lur lavur a moda flexibla ed individuala. Quai pretenda atgna responsabladad e promova a medem temp la qualitad da viver, la creativitad, la productivitad e la forza innovativa.
La SSR è cuninizianta e partenaria da l'iniziativa Work Smart.
Lavurar a temp parzial
Lavurar a temp parzial è da princip pussaivel tar la SSR e vegn promovì conscientamain; er per il cader. Tar la SSR lavura passa la mesadad dals collavuraturs a temp parzial.
Famiglia e professiun
Collavuraturas e collavuraturs da la SSR han dabun in congedi da maternitad da 16 emnas, resp. in congedi da paternitad da 2 emnas.
CollavuraturAs pon dumandar contribuziuns finanzialas per la tgira da lur uffants ordaifer la famiglia.
Diversitad ed egualitad dad um e dunna
RTR tschertga activamain la diversitad – collavuraturas e collavuraturs da tut las regiuns, da tut las vegliadetgnas e derivanzas. Nus ans engaschain activamain per in bun equiliber tranter um e dunna – oravant tut era en funcziuns da manar.
Paja
Nossas pajas s'orienteschan a las pretensiuns e prestaziuns sco er al martgà. Collavuraturs che survegnan ina paja dal mais han da princip la pussaivladad da transfurmar la tredeschavla paja dal mais – u parts da quella – en vacanzas.
Scolaziun e perfecziunament
Noss collavuraturs èn noss factur da success il pli impurtant. Perquai promovain e furmain nus els cun scolaziuns, perfecziunaments, job-enrichement e programs da barat interns intenziunads. Sco interpresa plurilingua purschain nus era curs da lingua interns.
La SSR or d'ina autra perspectiva
Il program da barat intern da la SSR permetta a noss collavuraturs d'emprender d'enconuscher nossa unitad d'interpresa or d'ina nova perspectiva; saja quai en in'autra partiziun u en in'autra regiun linguistica.
Recrutaziun interna per plazzas da cader
Nus promovain noss collavuraturs. Perquai occupain nus plazzas da cader vacantas sche pussaivel internamain. Cun ina media da 3 da 4 plazzas gartegia quai bunamain adina.
Assicuranzas, supplements socials e pajament cuntinuà dal salari
Sanadad
Management da sanadad dal manaschi
La SSR dat paisa a la segirezza a la lavur e protegia la sanadad dals collavuraturs. Ella vegn sustegnida d'in management da sanadad professiunal e porscha activitads e purschidas variadas che vegnan sviluppadas per part en collavuraziun cun cumissiuns da sanadad regiunalas e clubs da sport.
(*Las prestaziuns da standard valan per collavuraturs cun CCL, en cas da cundiziuns d'engaschament pon las prestaziun eventualmain divergiar.)
Ans suandai era sin: